"Liverpul" "Bavariya" hujumchisi Robert Levandovski uchun kurashga qo‘shilishga tayyorlanmoqda. Hozirda forvard uchun "Barselona" va "Real" ham qiziqish bildirmoqda.

Fichajes nashrining ma’lumotiga ko‘ra, avvalroq Dortmundning "Borussiya"sida Yurgen Klopp bilan birga ishlagan polshalik hujumchi kelasi mavsumda "Enfild"da nemis murabbiyi bilan yana birga ishlashi mumkin.

33 yoshli futbolchining “Bavariya” bilan shartnomasi 2023 yilning 30 iyuniga qadar mo‘ljallangan.

2021/22 yilgi mavsumda Levandovski jamoa safida barcha musobaqalarda 37 ta o‘yin o‘tkazib, 45 ta gol urgan.