Ispaniya La Ligasining 29-tur doirasida bo‘lib o‘tgan "Real" hamda "Barselona" jamoalari o‘rtasidagi uchrashuvdan keyin "ko‘k-anorranglilar" bosh murabbiyi Xavi chempionlik haqidagi savolga javob berdi.
- Bu natijadan zavq olishimiz kerak. O‘yin ajoyib bo‘ldi, lekin mukammal emas. Yigitlarning o‘yinidan va safarda chempionat peshqadami ustidan qozongan g‘alabasidan juda mamnunman.
La Liga chempionligi? Bilmayman, lekin inkor etib bo‘lmaydi. Menga shon-shuhrat kerak emas, bu shon-shuhrat «Barselona»ga va unda to‘p surayotgan futbolchilarda bo‘lgani yaxshi. Bu futbolchilarning, jamoaning va klub g‘alabasi. Biz «Real»ga qarshi qanday o‘ynashni bildik, ko‘p vaziyatlar yaratdik, qanday hujum qilishni bildik, qisqa qilib aytganda ajoyib o‘yin o‘tkazdik. Ular o‘yinning so‘nggi 20 daqiqasida ustunlik qilishdi, ammo ungacha biz to‘rtta gol urib bo‘lgandik" - dedi Xavi Mundo Deportivo.
