Football Insider xabariga ko‘ra, "Vest Xem" "Lids" yarim himoyachisi Kalvin Filipsga qiziqish bildirmoqda.
Klub bosh murabbiyi Devid Moyes qishki transfer oynasida “Lids”ga 55 million funt taklif qilgan, biroq o‘shanda muzokaralar to‘xtab qolgandi.
Mavsum so‘ngida esa ular muzokaralarni davom ettirishi kutilmoqda.
Avvalroq futbolchiga "Aston Villa" ham qiziqayotgani haqida xabarlar tarqalgan edi.
"Lids" yarim himoyachisi joriy mavsumda Premyer-ligada 12 ta o‘yinda maydonga tushdi va 1 ta golli uzatmani amalga oshirdi.
