"Manchester Siti" Lissabonning "Sporting" klubi yarim himoyachisi Mateus Nunesga qiziqish bildirmoqda, deb xabar beradi A Bola.

Manbaning xabariga ko‘ra, ingliz klubi 23 yoshli portugaliyalikni yozgi transfer oynasida sotib olish imkoniyatini o‘rganib chiqmoqda. Taxminiy kelishuv summasi 40 million yevroga baholanmoqda.

2021/22-yilgi mavsumda Nunes “Sporting” safida 43 ta o‘yinda maydonga tushib, 3 ta gol urdi va 5 ta golga assistentlik qildi.

Transfermarkt.com portali futbolchining narxini 30 million yevroga baholamoqda.