«Barselona» vise-prezidenti Usmon Dembele jamoada qolishi mumkinligini aytdi.

“Bilasizmi, muzokaralar natija bermadi, biroq Xavining aytishicha, Usmon ajoyib futbolchi, u klub uchun ko‘p ish qiladi. Menimcha, Xavi Dembelega tizimni yaxshiroq tushunishga yordam beradigan fundamental ishlarni, jumladan, psixologik ishlarni qilmoqda.

Xavi futbolchilarga o‘rnak ekanligi aniq. Men uning agentlari bilan yana uchrashishimiz, Usmonning klubda qolishi ehtimolini muhokama qilishimizni istisno etmayman” - dedi Rafa Yuste Catalunya Ràdio bilan suhbatda.

Bundan tashqari, Diario Sport xabariga ko‘ra, fransiyalik futbolchining agentlari eski noroziliklarni unutgan holda «Barselona» bilan yangi muzokaralarni boshlashga tayyor.

«Agar "Barselona" bizga qo‘ng‘iroq qilsa, albatta kelamiz», - dedi Dembelening agenti.