"Roma" "An-Nasr" hujumchisi Anderson Taliskaga qiziqish bildirmoqda, deb xabar beradi Calciomercato.

Manbaning xabariga ko‘ra, 28 yoshli braziliyalik yozgi transfer oynasida Yevropaga qaytish haqida o‘ylamoqda.

Qayd etilishicha, rimliklar hujum chizig‘ini kuchaytirmoqchi. Ular Taliska uchun 12 million yevro to‘lashga tayyor.

Vinger joriy mavsum riyodliklar safida 25 o‘yinda 15 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 11,5 million yevroga baholamoqda.