AS nashri jurnalisti Xavyer Matallanas Usmon Dembele "Barselona" bilan 2 yillik yangi shartnoma borasida kelishib olgani haqida xabar tarqatdi. Uning fikriga ko‘ra, Dembele yozda "Barselona"da qoladi.
Matallanasning ta’kidlashicha, bunga bir nechta manbalar mavjud. Ko‘p faktlar Usmon va "Barselona" rahbariyati murosaga kelganiga ishora qiladi. Dembele oldin ham yangi shartnoma imzolash tarafdori bo‘lgan, biroq futbolchining agentlari juda katta maosh talab qilgan edi.
Yanvar oyidagi mojarodan so‘ng futbolchi tarkibga qaytdi va sifatli o‘yin namoyish qila boshladi.
