«Marsel» yarim himoyachisi Bubakar Kamara «Atletiko»ga erkin agent sifatida o‘tishga yaqin turibdi.

Kamaraning «Marsel» bilan shartnomasi 30 iyun kuni yakuniga yetadi. Futbolchi faoliyatini Fransiyada davom ettirishni istamayapti, deb xabar beradi GOAL. Nashrning yozishicha, futbolchini qo‘lga kiritish uchun kurashda Madridning «Atletiko» klubi yetakchilik qilmoqda.

Ispaniya klubi avvalroq yarim himoyachini sotib olishga urinib ko‘rdi va fransuz klubiga 5 million yevro taklif qildi. Ammo kelishuv amalga oshmadi. Shu tariqa, Kamara yozda ispan jamoasiga tekinga o‘tishi mumkin.

Ma’lumot o‘rnida, joriy mavsumda Kamara Liga-1 doirasidagi 25 ta o‘yinda maydonga tushib, 1 ta gol urdi.