«Марсель» ярим ҳимоячиси Бубакар Камара «Атлетико»га эркин агент сифатида ўтишга яқин турибди.

Камаранинг «Марсель» билан шартномаси 30 июнь куни якунига етади. Футболчи фаолиятини Францияда давом эттиришни истамаяпти, деб хабар беради GOAL. Нашрнинг ёзишича, футболчини қўлга киритиш учун курашда Мадриднинг «Атлетико» клуби етакчилик қилмоқда.

Испания клуби аввалроқ ярим ҳимоячини сотиб олишга уриниб кўрди ва француз клубига 5 миллион евро таклиф қилди. Аммо келишув амалга ошмади. Шу тариқа, Камара ёзда испан жамоасига текинга ўтиши мумкин.

Маълумот ўрнида, жорий мавсумда Камара Лига-1 доирасидаги 25 та ўйинда майдонга тушиб, 1 та гол урди.