Angliyaning mashhur futbolchilaridan biri Jermayn Defo o‘z faoliyatini yakunlaganini e’lon qildi. Sobiq hujumchi Twitter'da shunday deb yozadi:

"Men bolaligimdan omadli edim. Chunki otasiz o‘sgan bo‘lsam ham, onamning qo‘llovi menga katta madad bo‘lgan. Uning yordamini har bir o‘yinda his qilardim. Onam menga ikki yoshimda to‘p sovg‘a qiladi va shundan boshlab futbolga mehrim tushib qoladi. Futbolda ko‘p xotiralar qoldi. Men qaysi klub sharafini himoya qilsam ham, jamoamga yordam berish va murabbiyda yaxshi taassurot qoldirishga harakat qilganman. Bugun esa men bilan bo‘lganlarga rahmat aytaman".

Defo 22 yillik faoliyati davomida jami 762 ta uchrashuv o‘tkazgan va 304 ta gol urgan.