«Barselona» prezidenti Joan Laporta joriy mavsumda «Real»da pasayish yuz berib, "ko‘k-anorranglilar" La ligada g‘oliblik uchun kurashishiga ishonmoqda.

–«Bernabeu»da qozonilgan 4:0 hisobidagi g‘alaba kuchli o‘yinchilarning e’tiborini «Barsa»ga jalb qilishi mumkin?
– Bizning loyiha tezlik olayotgani ko‘rinib turibdi, albatta ushbu natija yordam beradi. «Barsa» o‘z o‘yini bilan butun dunyo uchun etalon bo‘lishi mumkin.

Bu yaxshi natija va u har jihatdan bizning foydamizga ishlaydi. Biz "Barselona" muxlislariga quvonchli lahzalarni qaytarish yo‘lidan ketayotganimizni isbotlaydi. Prezidentlikning ilk bosqichida o‘z oldimga qo‘ygan asosiy maqsadlardan biri shu edi. Biz buni uddalaymiz, deb o‘ylayman. Hozircha faqat sovrinlar yetishmayapti.

«Real» ustidan qozonilgan g‘alabadan ulkan zavq oldim. Endi esa chempionlik uchun kurashishimizni istayman. Sovrinlarga qo‘lga kiritgan holda quvonchni qaytarishimiz lozim.

– La ligadagi chempionlik kurashi haqida gapiryapsizmi?
– Ha, men shu haqda gapiryapman. Chunki jamoa o‘sishda davom etyapti. Mavsum davomida pasayish va ko‘tarilishlar ro‘y berdi. Nazarimda, «Real»da pasayish boshlanadi. Chunki, Anchelotti yil davomida faqat 13-14 o‘yinchi xizmatidan foydalandi. Biz esa tarkibdan kengroq foydalanib kelyapmiz.

Mavsum boshida bizda muvaffaqiyatsizliklar bo‘ldi, ammo hozir "Barsa" yaxshi formaga kirib oldi. Chempionlik uchun kurashish umidida mavsumning hal qiluvchi pallasiga kirishyapmiz. Hozir 12 ochko ortda qolyapmiz. Agar «Rayo»ga qarshi qoldirilgan o‘yinda g‘alaba qozonsak, «Real» bilan 9 ochkoni tashkil etadi.

Biz esa qolgan barcha o‘yinlarda g‘alaba qozonish haqida o‘ylashimiz zarur. Bu jiddiy sinov, bizga esa bunday sinovlar yoqadi. Klubimizning mentaliteti shunday.