Himoyachi Lyuk Shou nima uchun Angliya termasida o‘ynashni yoqtirishini aytdi. Bugun britaniyaliklar o‘rtoqlik uchrashuvida Shveysariyani mag‘lub etishdi (2:1).
"Men o‘zimni kerakli his qilishim har doim muhim va Angliyada men buni ayniqsa his qilyapman. "Manchester Yunayted"da bu yo‘q deb aytmoqchi emasman, lekin bu yerda o‘zimni kerakli his qilyapman va o‘z o‘yinimdan zavqlanyapman.
Albatta, mag‘lubiyatdan zavq olish qiyin, klubda esa hozir biz eng yaxshi o‘yin ko‘rsatmayapmiz, buni tan olish kerak. Joriy mavsum yetarlicha yaxshi o‘tmayapti, shuning uchun bu yerda baxtli bo‘lish qiyin", – dedi “Manchester Yunayted” himoyachisi.
