Turkiyaning "Beshiktosh" klubi "Barselona"dan ijaraga olingan yarim himoyachi Miralem Pyanichni mavsum oxirigacha o‘z jamoasida saqlab qolishdan manfaatdor. Bu haqda Mundo Deportivo xabar bermoqda.
Manbaga ko‘ra, ispan jamoasi bosh murabbiyi Xavi bosniyalik futbolchining o‘yin qobiliyatini yuqori baholamoqda, biroq futbolchi uning rejalariga kiritilmaslik ehtimoli yuqori.
"Beshiktosh" esa Pyanichni jamoada saqlab qolishga tayyor, ammo unga "Barselona"da oladigan maoshni to‘lay olmaydi.
31 yoshli Pyanich joriy mavsumda barcha musobaqalarda 22 o‘yinda 4 ta golli uzatmani amalga oshirdi.
