"Roma" yarim himoyachisi Jordan Veretu faoliyatini Fransiyaning "Marsel" jamoasida davom ettirishi mumkin, deb xabar beradi Calciomercato.

Manbaga ko‘ra, futbolchi Rim klubini Joze Mourinyoning taktik g‘oyalari tufayli tark etmoqchi. “Marsel” futbolchiga da’vogarlardan biri.

Oldinroq futbolchi rimliklarning yillik maoshi 4 million yevro bo‘lgan yangi shartnoma taklifini rad etgani xabar qilingandi.

Veretuning "Roma" bilan amaldagi shartnomasi 2024 yilda yakuniga etadi. Fransiyalik futbolchini sotib olish uchun klub taxminan 15 million yevro so‘ramoqda.

Joriy mavsumda yarim himoyachi poytaxtliklar safida barcha musobaqalarda 39 ta o‘yinda maydonga tushib, 4 ta gol urdi va 8 ta golli uzatmani amalga oshirdi.