"Рома" ярим ҳимоячиси Жордан Верету фаолиятини Франциянинг "Марсель" жамоасида давом эттириши мумкин, деб хабар беради Calciomercato.
Манбага кўра, футболчи Рим клубини Жозе Моуриньонинг тактик ғоялари туфайли тарк этмоқчи. “Марсель” футболчига даъвогарлардан бири.
Олдинроқ футболчи римликларнинг йиллик маоши 4 миллион евро бўлган янги шартнома таклифини рад этгани хабар қилинганди.
Веретунинг "Рома" билан амалдаги шартномаси 2024 йилда якунига этади. Франциялик футболчини сотиб олиш учун клуб тахминан 15 миллион евро сўрамоқда.
Жорий мавсумда ярим ҳимоячи пойтахтликлар сафида барча мусобақаларда 39 та ўйинда майдонга тушиб, 4 та гол урди ва 8 та голли узатмани амалга оширди.
