«Manchester Yunayted» markaziy hujumchi qidirishda davom etmoqda. Shu sababli, "qizil iblislar" "Benfika" hujumchisi Darvin Nunesga e’tibor qaratishgan.
Biroq, The Telegraph nashri tarqatgan ma’lumotga qaraganda, urugvaylik futbolchining faoliyatini Manchesterda davom ettirish imkoniyati deyarli yo‘q.
Asosiy sabab - yozgi transferlar uchun byudjet. Agar «Manchester Yunayted» Chempionlar ligasiga chiqa olmasa, u holda «Benfika» transfer uchun talab qilayotgan taxminan 70-80 million yevro sarmoyani qo‘lga kirita olmaydi.
Nunesni qo‘lga kiritmoqchi bo‘lgan klublardan biri - «Arsenal». Londonliklar bosh murabbiyi Arteta bu transfer haqida jiddiy o‘ylamoqda.
