«Barselona» yangi shartnoma bo‘yicha Usmon Dembele bilan yana kelisha olmadi, shu sababli muzokaralar to‘xtab qoldi.

Ispaniyalik jurnalist Xose Alvaresning yozishicha, «Barselona» Usmon Dembelega yiliga 8 million yevrodan ko‘p maosh taklif qilmaydi. Shartnoma muddati to‘rt yil bo‘ladi, biroq, Usmon ikki yilga shartnoma tuzishga tayyor.

Xabarlarga ko‘ra, Dembele o‘zining uzoq muddatli kelajagini «Barselona»da ko‘rishga tayyor bo‘lsada, yiliga 20 million yevro maosh oladigan shartnoma talab qilmoqda. «Barselona»da moliyaviy muammolari davom etayotgani uchun «ko‘k-anorranglilar» bunday maoshni to‘lashga qurbi yetmaydi.

Ayni paytda har ikki tomon yangi shartnoma shartlari bo‘yicha kelisha olmayapti. Agar vaziyat keskin o‘zgarmasa Dembele «Barselona»ni erkin agent sifatida tark etadi.