«Барселона» янги шартнома бўйича Усмон Дембеле билан яна келиша олмади, шу сабабли музокаралар тўхтаб қолди.
Испаниялик журналист Хосе Альвареснинг ёзишича, «Барселона» Усмон Дембелега йилига 8 миллион евродан кўп маош таклиф қилмайди. Шартнома муддати тўрт йил бўлади, бироқ, Усмон икки йилга шартнома тузишга тайёр.
Хабарларга кўра, Дембеле ўзининг узоқ муддатли келажагини «Барселона»да кўришга тайёр бўлсада, йилига 20 миллион евро маош оладиган шартнома талаб қилмоқда. «Барселона»да молиявий муаммолари давом этаётгани учун «кўк-анорранглилар» бундай маошни тўлашга қурби етмайди.
Айни пайтда ҳар икки томон янги шартнома шартлари бўйича келиша олмаяпти. Агар вазият кескин ўзгармаса Дембеле «Барселона»ни эркин агент сифатида тарк этади.
