Usmon Dembelening atrofidagilar va futbolchining agenti «Barselona» bilan shartnomani uzaytirish bo‘yicha muzokaralarni davom ettirishga tayyor. Bu haqda GFFN nashri xabar tarqatmoqda.
Manbaning yozishicha, kataloniyaliklar bosh murabbiyi Xavi 24 yoshli fransiyalik futbolchi bilan xayrlashish niyatida emas. Biroq, tomonlar shartnoma shartlari bo‘yicha kelisha olishmayapti. «Barselona»da qolish uchun Dembele moliyaviy talablarini kamaytirishi kerak.
Avvalroq klub va futbolchining o‘rtasidagi muzokaralar to‘xtab qolgani haqida xabarlar tarqalgandi. Ammo, biroz vaqt o‘tgach futbolchining vakillari muzokaralarni davom ettirishga rozi ekanliklarini bildirishdi.
