«Barselona»ning sobiq himoyachisi Xavyer Maskerano Xavining klub bosh murabbiyi sifatidagi faoliyati haqida o‘z fikrlari bilan o‘rtoqlashdi.
“Menga Xavining g‘oyasi yoqadi. Ular chempionlik uchun kurasha oladimi, bilmayman, lekin ishonchim komilki, Xavi «Barselona»ga ajoyib kelajak olib keladi”, dedi Maskerano Marca nashriga bergan intervyusida.
«Barselona» hozirda La Ligada uchinchi o‘rinni egallab turibdi, ammo yakshanba oqshomida «Kamp Nou»da "Sevilya"ni mag‘lub etsa, u holda ikkinchi o‘ringa ko‘tarilib oladi.
