Ispaniyaning “Barselona” jamoasi yozgi transferlar ro‘yxatiga kiritilgan uch nafar futbolchi ro‘yxatini tuzdi. Bu haqda AS xabar bermoqda.

Manbaga ko‘ra, Dortmundning “Borussiya” klubi hujumchisi Erling Xoland sotib olinishi lozim bo‘lgan futbolchilar ro‘yxatida birinchi, “Liverpul” vingeri Muhammad Saloh ikkinchi o‘rinni egallab turibdi. Kuchli uchlikni “Bavariya” hujumchisi Robert Levandovski yakunlab turibdi.

21 yoshli Xoland joriy mavsumda Bundesliganing 17 ta o‘yinida 16 ta gol urdi va 6 ta golli uzatmani amalga oshirdi.

29 yoshli Saloh Angliya premer-ligasida 28 uchrashuvda 20 ta gol urdi va 10 ta golli uzatmani amalga oshirdi.

33 yoshli Levandovski esa Germaniya chempionatining 27 uchrashuvida 31 ta gol urdi.