O‘zbekiston Professional futbol ligasi odatga ko‘ra, har oy Pro liganing eng yaxshi murabbiyi va futbolchisi aniqlab kelmoqda.

Ortda qolayotgan mart oyida Pro ligada 4 ta tur uchrashuvlari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

Mart oyining eng yaxshi murabbiyi bo‘lish uchun nomzodlar

Dilyaver Vaniyev («Mash’al») – 4 o‘yin, 3 g‘alaba, 1 durang, to‘plar farqi 6:2

Anvar Berdiyev («Turon») – 4 o‘yin, 3 g‘alaba, 1 mag‘lubiyat, to‘plar farqi 7:3

Ruslan Ahmedov («Xorazm») – 4 o‘yin, 2 g‘alaba, 1 durang, 1 mag‘lubiyat, to‘plar farqi 5:2

Viktor Kumikov («Andijon») – 4 o‘yin, 2 g‘alaba, 1 durang, 1 mag‘lubiyat, to‘plar farqi 6:3

Mart oyining eng yaxshi futbolchisi bo‘lish uchun nomzodlar

Humoyun Murtozayev («Turon») – 4 o‘yin, 3 gol

Farhod Sohibjonov («Andijon») – 4 o‘yin, 2 gol

Ro‘zimboy Ahmedov («Buxoro») – 4 o‘yin, 2 gol

Ravshanbek Yagudin («Mash’al») – 3 o‘yin, 3 quruq o‘yin

Shahzod Beshimov («Xorazm») – 4 o‘yin, 3 gol

Eslatib o‘tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etishadi. Pro liganing 10 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi.

Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi.

O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa bosh murabbiylar, jamoa sardorlari hamda sport nashrlari o‘rtasida o‘tkazilgan so‘rovnoma natijalariga qo‘shiladi.

Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.