“Paxtakor” klubi bosh murabbiyi sifatida ishlagan hamda O‘zbekistonda qator sovrinlarni yutgan tajribali mutaxassis Shota Arveladzeni sizlarga ortiqcha tanishtirishning hojati yo‘q.

Ayni paytda u Angliya chempionship musobaqasida “Xall Siti” klubi bosh murabbiyi sifatida faoliyat olib boryapti.
Shota Yustinovich yurtimizda ishlagan kezlarida tabiiyki, “Andijon”ga qarshi bir necha bor to‘qnash kelgan. Arveladze andijonliklar borasida o‘zining maslahatlari va tavsiyalarini aytdi.

- O‘ta uzoqda turib va birinchilikdagi vaziyatdan bexabar holda sizning jamoangiz haqida gapirish men uchun qiyin. Shunday bo‘lsa ham bir qancha maslahat va fikrlarimni aytib o‘tmoqchiman.

Asosiysi, barqarorlik va nima qilish kerakligini bilish. Qanchalik tez va qanday qilib vazifalarni bajara oladigan klubni shakllantirish mumkinligini anglamoq darkor.

Jamoaning nimani istashini bilish, uni moliyalashtirish hamda qay yo‘sinda o‘ynashi kerakligi muhim jihatlar sirasiga kiradi. Bu yo‘lda men “Andijon klubiga faqat omad tilayman, - dedi Arveladze.