Krishtianu Ronalduning mavsum so‘ngida «Manchester Yunayted»ni tark etishiga bo‘lgan ishonch tobora ortib bormoqda. Portugaliyalik futbolchi keyingi faoliyatini qayerda davom ettiradi degan savol tug‘iladi. Hozircha uning xizmatlariga qiziqish bildirayotgan klublar yo‘q.
Ayni paytda, angliyaliklar Ronaldu okeanortiga o‘tishi mumkinligiga ishonishmoqda va uni MLSga ko‘chib o‘tishini taxmin qilishmoqda.
Bu taxminni BBC Sport jurnalistli Gart Kruks aytib o‘tdi. U Ronalduning kelajagini Devid Bekxemning jamoasi - «Inter Mayami» bilan bog‘lamoqda. Kruksning fikricha, agar bu transfer amalga oshadigan bo‘lsa, bu ajoyib ittifoq bo‘lishi mumkin.
