Pep Gvardiola «Manchester Siti»ning «Atletiko» ustidan qozonilgan g‘alabasidan (1:0) keyingi fikrlari bilan o‘rtoqlashdi.
“Teng va juda qiyin o‘yin bo‘ldi. «Atletiko» butun jamoa bo‘lib himoyalanishda usta, bu oson emas. Biz ularga hujum qilish uchun qochib ketishlariga yo‘l qo‘ymadik va sabr qildik.
Biz ulardan 5-3-2 sxemasi ostida o‘ynashini kutgandik, ammo keyin «Atletiko» moslashdi va 5-5-0 o‘ynay boshladi.
Bugungi kunda ham, tarixdan oldingi davrlarda ham, yuz ming yildan keyin ham 5-5-0 sxemasida o‘ynayotgan jamoaga qarshi hujum qilish juda qiyin bo‘ladi, chunki bo‘sh joy yo‘q.
Ular kuchli, biz esa kichik va yengilmiz. Bu sabr-toqat masalasi. O‘ylaymanki, javob o‘yinida jamoalar bugungi gol urilgandan keyin ko‘rsatgan o‘yinlarini namoyish etishadi. Bugun juda teng o‘yin bo‘ldi.
Bugungi o‘yindan saboq olamiz, biroz yaxshiroq bo‘lishga harakat qilamiz", - dedi "shaharliklar" ustozi Movistar telekanaliga bergan intervyusida.
