Пеп Гвардиола «Манчестер Сити»нинг «Атлетико» устидан қозонилган ғалабасидан (1:0) кейинги фикрлари билан ўртоқлашди.

“Тенг ва жуда қийин ўйин бўлди. «Атлетико» бутун жамоа бўлиб ҳимояланишда уста, бу осон эмас. Биз уларга ҳужум қилиш учун қочиб кетишларига йўл қўймадик ва сабр қилдик.

Биз улардан 5-3-2 схемаси остида ўйнашини кутгандик, аммо кейин «Атлетико» мослашди ва 5-5-0 ўйнай бошлади.

Бугунги кунда ҳам, тарихдан олдинги даврларда ҳам, юз минг йилдан кейин ҳам 5-5-0 схемасида ўйнаётган жамоага қарши ҳужум қилиш жуда қийин бўлади, чунки бўш жой йўқ.

Улар кучли, биз эса кичик ва енгилмиз. Бу сабр-тоқат масаласи. Ўйлайманки, жавоб ўйинида жамоалар бугунги гол урилгандан кейин кўрсатган ўйинларини намойиш этишади. Бугун жуда тенг ўйин бўлди.

Бугунги ўйиндан сабоқ оламиз, бироз яхшироқ бўлишга ҳаракат қиламиз", - деди "шаҳарликлар" устози Movistar телеканалига берган интервьюсида.