«Barselona» bosh murabbiyi Xavi Ernandes Yevropa ligasi chorak final bosqichi doirasida bo‘lib o‘tadigan «Ayntraxt»ga qarshi o‘yin arafasida o‘z fikrlari bilan o‘rtoqlashdi.

«Ko‘pchilik tariximiz va an’analarimizdan kelib chiqib bizni favorit deya atamoqda. Barcha bizni Chempionlar ligasida ko‘rib o‘rganib qolgan, ammo Yevropa ligasi YECHLdan farq qiladi. Biz sovrin uchun da’vogarmiz, ammo bizni favorit deya atashlarini istamayman. Chorak final chiqqan klublarning barchasi juda kuchli. Har bir jamoada g‘oliblik uchun imkoniyat bor. Ularning fonida bizning ajralib turadigan jihatimiz yo‘q.

Biz o‘yinga jiddiy yondoshamiz va unda g‘olib chiqishni istayman. Ammo, o‘sha «Reynjers» bilan o‘ynash juda og‘ir. Men Glazgoda o‘ynaganman va buning nimaligini bilaman», - dedi Xavi.