"Real" bosh murabbiyi Karlo Anchelotti klub hujumchisi Karim Benzemaning o‘yini haqida o‘z fikrlari bilan o‘rtoqlashdi.
“Karim hali hamon yaxshilanishda davom etmoqda. U nafaqat maydonda, balki undan tashqarida ham yetakchi sifatida rivojlandi.
U har doim yaxshi futbolchi bo‘lgan, ammo endi u etakchiga aylandi. Karimning yoshi hech narsani o‘zgartirmaydi. Kelajakda uning yangi hujumdagi sherigi kim bo‘lishidan qat’i nazar, jamoaning eng muhim o‘yinchilaridan biri bo‘lib qoladi", - deya Anchelotti so‘zlarini keltiradi Marca.
