Mashhur braziliyalik o‘ng qanot himoyachisi Dani Alvesh «Barselona»da Dortmundning «Borussiya» jamoasi hujumchisi Erling Xoland kerak emasligiga ishonchi komil, u «PSJ» futbolchisi Kilian Mbappeni jamoada ko‘rishni xohlaydi.
«Men bor pulimni Xolandni sotib olishga sarflamagan bo‘lardim. Rostini aytsam, men bu futbolchiga ko‘p pul sarflash kerakmas deb o‘ylayman. Agar bu Mbappe bo‘lsa, ha, lekin Xoland bo‘lsa yo‘q. Men sport direktori bo‘lishga intilmayapman, lekin bor kuchimni Mbappega qaratgan bo‘lardim.
Nazarimda, u har tomonlama mukammalroq futbolchidek. Agar klub katta pul investisiya qilmoqchi bo‘lsa, unda siz eng yaxshi yo‘l bilan sarmoya kiritishingiz kerak. Agar hammasi menga bog‘liq bo‘lsa, Mbappe bilan shartnoma imzolagan bo‘lardim», - deya uning so‘zlarini keltiradi Diario Sport.
