Машҳур бразилиялик ўнг қанот ҳимоячиси Дани Алвеш «Барселона»да Дортмунднинг «Боруссия» жамоаси ҳужумчиси Эрлинг Холанд керак эмаслигига ишончи комил, у «ПСЖ» футболчиси Килиан Мбаппени жамоада кўришни хоҳлайди.

«Мен бор пулимни Холандни сотиб олишга сарфламаган бўлардим. Ростини айтсам, мен бу футболчига кўп пул сарфлаш керакмас деб ўйлайман. Агар бу Мбаппе бўлса, ҳа, лекин Холанд бўлса йўқ. Мен спорт директори бўлишга интилмаяпман, лекин бор кучимни Мбаппега қаратган бўлардим.

Назаримда, у ҳар томонлама мукаммалроқ футболчидек. Агар клуб катта пул инвестиция қилмоқчи бўлса, унда сиз энг яхши йўл билан сармоя киритишингиз керак. Агар ҳаммаси менга боғлиқ бўлса, Мбаппе билан шартнома имзолаган бўлардим», - дея унинг сўзларини келтиради Diario Sport.