Fransiya terma jamoasining sobiq futbolchisi David Trezege «Oltin to‘p» uchun kurashda «Real» hujumchisi Karim Benzema va «PSJ» futbolchisi Kilian Mbappening imkoniyatini yuqori baholadi.
«Ikkalasi ham milliy chempionatida g‘alaba qozonishga yaqin, ikkalasi ham Millatlar Ligasini qo‘lga kiritgan. Ammo unutmaslik kerak bo‘lgan yana bir ko‘rsatkich bor. Karim hali ham Chempionlar ligasida o‘ynaydi va yarim finalga chiqish imkoniyatiga ega. Uning o‘yini ajoyib. Benzema ushbu musobaqada dunyoning eng mashhur klubi bo‘lmish «Real Madrid» bilan ketma-ket ikki marta xet-trik qayd etdi. Benzema «Oltin to‘p»ga loyiq. Kilianning hali ham vaqti bor, ammo bu uning joriy mavsumda ajoyib ekanligini inkor etmaydi. Kelajakda u bu sovrinni bir necha bor oladi», - deydi David.
