Франция терма жамоасининг собиқ футболчиси Давид Трезеге «Олтин тўп» учун курашда «Реал» ҳужумчиси Карим Бензема ва «ПСЖ» футболчиси Килиан Мбаппенинг имкониятини юқори баҳолади.
«Иккаласи ҳам миллий чемпионатида ғалаба қозонишга яқин, иккаласи ҳам Миллатлар Лигасини қўлга киритган. Аммо унутмаслик керак бўлган яна бир кўрсаткич бор. Карим ҳали ҳам Чемпионлар лигасида ўйнайди ва ярим финалга чиқиш имкониятига эга. Унинг ўйини ажойиб. Бензема ушбу мусобақада дунёнинг энг машҳур клуби бўлмиш «Реал Мадрид» билан кетма-кет икки марта хет-трик қайд этди. Бензема «Олтин тўп»га лойиқ. Килианнинг ҳали ҳам вақти бор, аммо бу унинг жорий мавсумда ажойиб эканлигини инкор этмайди. Келажакда у бу совринни бир неча бор олади», - дейди Давид.
