Myunxenning "Bavariya" klubi sobiq bosh direktori Karl-Xayns Rummenigge jamoaning Chempionlar ligasi yarim finaliga chiqishiga ishonmoqda.
Myunxen klubi turnirning 1/4 finali dastlabki o‘yinida «Vilyarreal» jamoasiga 0:1 hisobida imkoniyatni boy berdi.
“O‘ylaymanki, «Bavariya» yanada oldinga boradi, chunki ular yaxshiroq. Qolaversa, o‘z maydonida - 70000 nafar muxlisi ko‘z o‘ngida o‘ynashadi.
Bu holatni avval ham ko‘rganman: 2015 yilda Pep Gvardiola qo‘l ostida chorak finalning birinchi o‘yinida «Portu»ga 1:3 hisobida mag‘lub bo‘lgandik. Shundan so‘ng haqiqiy jang boshlandi. Javob o‘yinida esa «Alyans Arena»da 6:1 hisobida zafar quchdik. Bosim ba’zan foydali bo‘ladi, lekin, albatta, undan qochish maqsadga muvofiqdir.
Turinda bo‘lib o‘tgan «Vilyarreal» - «Yuventus» uchrashuvini tomosha qildim. Ular o‘yindan zavq olishni bilishadi. «Bavariya» birinchi daqiqalardan hujumga o‘tishi kerak. Yaxshiyamki safar goli tizimi bekor qilindi.
«Bavariya» yarim finalga yo‘l oladi", - dedi Myunxen klubining sobiq bosh direktori Tz nashriga bergan intervyusida.
