Gana terma jamoasi sobiq futbolchisi Asamoa Gyan Luis Suaresning 2010 yilgi Jahon chempionatida qanday o‘ynagani haqidagi xotiralari bilan o‘rtoqlashdi.
Chorak final uchrashuvining qo‘shimcha bo‘limida Suares Urugvay terma jamoasi darvozasiga kirib ketayotgan to‘pni qo‘li bilan qaytarib yuborgandi. Hakam hujumchiga qizil kartochka ko‘rsatib, Gana terma jamoasi foydasiga penalti belgiladi. Gyan belgilangan 11 metrlik jarima to‘piga zarba berib, Urugvay terma jamoasi darvozasini ustunini "nishon"ga olgandi. Yakunda Urugvay terma jamoasi penaltilar seriyasida g‘alaba qozongandi.
"Sanderlend" - "Liverpul" jamoalari o‘rtasidagi o‘yinini eslayman. O‘sha kuni biz o‘z maydonimizda o‘ynadik va barcha futbolchilar qo‘l berib ko‘rishdi. Men Suaresni urmoqchi edim, chunki odamlarning gaplari miyamga kirib qolgandi.
Men o‘sha paytda sodda edim, lekin keyinroq o‘ylab ko‘rganimda, bu vaziyatdan voz kechishim kerakligini angladim, chunki men uning o‘rnida bo‘lganimda xuddi shunday qilgan bo‘lardim" - dedi Gananing sobiq hujumchisi Peace FM radiosiga.
