Rossiyaning «Nijniy Novgorod» klubi rahbarlari O‘zbekiston terma jamoasi himoyachi Ibroximxalil Yo‘ldoshev bilan yangi shartnoma imzolamoqchi.
Metaraitings.ru xabariga ko‘ra, «Nijniy Novgorod» jamoasi boshliqlari 21 yoshli futbolchining o‘yinlaridan mamnun va shu sabab Ibroximxali bilan shartnoma uzaytirmoqchi.
Eslatib o‘tamiz, yaqinda matbuotda himoyachiga Moskvaning «Spartak» klubi qiziqish bildirayotgani haqida xabarlar paydo bo‘lgandi.
Joriy mavsumda Ibroximxalil Yo‘ldoshev Rossiya chempionatida 17 ta uchrashuvda qatnashib, bitta gol va bitta golli uzatmaga mualliflik qilgan.
