«Atalanta» bosh murabbiyi Jan Pyero Gasperini Yevropa ligasining chorak finali javob uchrashuvi doirasidagi «Leypsig»ga qarshi javob uchrashuvidan oldingi fikrlari bilan o‘rtoqlashdi. Jamoalar o‘rtasidagi Germaniyadagi birinchi o‘yin 1:1 hisobidagi durang bilan yakunlangandi.

«Leypsig» — xavfli raqib. Ikkala jamoa ham g‘alaba qozonishni xohlaydi, biz yarim finalga chiqishga harakat qilamiz. Bu ajoyib bo‘lardi, lekin men hech narsani bashorat qila olmayman. Ushbu bosqichdagi o‘yinlar har doim bir xilda kechmagan. Imkoniyatlarimizdan maksimal darajada foydalanishimiz kerak.

Chempionat orqali ECHLga chiqishimiz mumkin, ammo yarim finalga chiqsak, Yevropa Ligasi bosh sovrini bizning ustuvor vazifamiz bo‘ladi.

«Atalanta» kabi jamoalar uchun sovrinlarni yutish oson emas, shuning uchun biz Yevropa Ligasida g‘alaba qozonish vazifasi qo‘yilmagan  – bu imkoniyat. Biz bor e’tiborimizni keyingi o‘yinga qaratishimiz va imkon qadar uzoqqa borishimiz kerak», - deya Gasperinining so‘zlarini keltiradi Football Italia.

Jamoalar o‘rtasidagi javob o‘yini 14 aprel kuni Bergamoda bo‘lib o‘tadi va Toshkent vaqti bilan soat 21:45da boshlanadi.