Kuni kecha "PSJ"ning amaldagi xo‘jayinlari klubni sotishi mumkinligi haqida ma’lumot paydo bo‘ldi. Bu xabarlar, albatta, rad etildi, ammo ular mantiqiy ko‘rinadi.
“Real”dan uchralgan mag’lubiyat “PSJ”ga kuchli zarba bo‘lgani aniq. Katta ehtimol Kilian Mbappe Parijdagi o‘zining so‘nggi mavsumini o‘tkazmoqda. Unga yordam berish uchun Lionel Messi taklif qilingan. Oxirgi Yevroning eng yaxshi darvozaboni Janluiji Donnarumma tarkibga qo‘shildi va Chempionlar ligasida g‘alaba qozonishni juda yaxshi biladigan Serxio Ramos himoyaga chaqirildi. Biroq, parijliklar 1/8 finaldayoq turnirdan “uchib” ketishdi.
"Real Madrid" bilan jangdan so‘ng darhol "PSJ" yozda tarkibni yangilashi haqida gap-so‘zlar paydo bo‘ldi. Messi, Neymar va boshqa bir qancha futbolchilar jamoadan ketishi haqida mish-mishlar avj oldi. Hozircha bunday bo‘lgani yo‘q, lekin aslida bu Sulaymon Kerimovning “Anji”ni taqdir taqozosi bilan tark etib, klubi hech narsaga erisha olmasligiga ishonganini biroz eslatadi.
Ammo, umuman olganda, hozirgi tarkibdagi “PSJ” loyihasi haqiqatan ham yakunlanishiga yaqin degan fikr bor. Va gap umuman “Real”dan uchralgan mag‘lubiyatda ham emas. “PSJ” 2022 yil oxirida Qatarda bo‘lib o‘tadigan jahon chempionatiga mezbonlik qilish bilan chambarchas bog‘liqligini hech kimga sir emas. Avvalroq Fransiyaning sobiq prezidenti Nikolya Sarkozi Qatar shayxlaridan Yaqin Sharq davlatining jahon chempionatini o‘tkazish istagini qo‘llab-quvvatlash evaziga poytaxt klubini sotib olishni so‘ragani xabar qilingandi. Bu fakt hozircha to‘g‘ridan-to‘g‘ri isbotlangani yo‘q, ammo "PSJ" Qatardagi jahon chempionatini faol ravishda ilgari surdi va targ‘ib qilmoqda.
Bu har qanday Yaqin Sharq davlati kabi Qatar uchun ham futbol rejimni oqlashga urinishdir. Shu sababli, BAA ham, Saudiya Arabistoni ham sportga faol sarmoya kiritmoqda. Qatar nafaqat klub, balki jahon chempionati mezbonlik qilish huquqini ham qo‘lga kiritib, eng katta natijaga erishdi. Katta ehtimol bilan mamlakat jahon chempionatini yuqori saviyada o‘tkazadi, bu esa jahon hamjamiyati ongida yaxshi tasavvur hosil qiladi. Shundan so‘ng maqsad amalga oshadi va “PSJ”ga ehtiyoj qolmasligi ham mumkin.
Fransuz klubi umuman Qatar davlati boshliqlarini oqlash vazifasini bajardi. Nosir Al-Xelayfi mamlakatining o‘ziga xos yuziga aylandi - katta jamoani boshqaradigan obro‘li biznesmen. Shu bilan birga, uning futbolga bo‘lgan ishtiyoqi ko‘rinmaydi - ya’ni "Chelsi"ning o‘zi uchun sevimli ishiga aylantira olgan Roman Abramovich misolida buni ko‘tib chiqsak bo‘ladi.
Shu ma’noda, “PSJ” loyihasining bosqichma-bosqich qisqartirilishi mantiqiy ko‘rinadi. Agar boshliqlar jamoani sotishga muvaffaq bo‘lsa, ular bundan mamnun bo‘ladi. To‘g‘ri, buni qilish unchalik oson bo‘lmaydi, ammo Fransiya klublari hatto quyi divizion jamoalari ham sotib olishga tayyor bo‘lgan ingliz klublari kabi qiziq emas. To‘g‘rirog‘i, parijliklar uchun sotuvni emas, balki xarajatlarni kamaytirishni kutishimiz mumkin. Yulduzlar ketadi, lekin yangilari chaqirilmaydi. Klub o‘z maktabining tarbiyalanuvchilariga pul tikishni xohlayotgani haqida ma’lumot paydo bo‘lganligi ajablanarli emas, bu juda muvaffaqiyatli ish bo‘lish ehtimoli mavjud. Yoshlar bilan hisoblashish haqida gap ketganda, bu har doim qandaydir tejamkorlikdan dalolat beradi.
