Madridning “Atletiko” klubi bosh murabbiyi Diyego Simeone Chempionlar ligasining chorak final bosqichi doirasida “Manchester Siti”dan qabul qilib olingan mag‘lubiyatdan so‘ng jamoaning ahvoli haqida gapirdi.
Eslatib o‘tamiz, ikki uchrashuv yakuniga ko‘ra “matraschilar” “shaharliklar”ga 0:1 hisobida imkoniyatni boy bergandi.
“Men o‘zimni juda yaxshi his qilyapman. Bizda afsuslanadigan hech narsa yo‘q, chunki biz o‘zimizning eng yaxshi variantimizni ko‘rsatdik. Futbolda voqealar boshqacha bo‘lishi mumkin, bizga shunchaki omad kulib boqmadi” - dedi Simeone Ispaniya chempionati doirasida “Espanyol”ga qarshi o‘yin oldidan o‘tkazilgan matbuot anjumanida.
