Мадриднинг “Атлетико” клуби бош мураббийи Диего Симеоне Чемпионлар лигасининг чорак финал босқичи доирасида “Манчестер Сити”дан қабул қилиб олинган мағлубиятдан сўнг жамоанинг аҳволи ҳақида гапирди.
Эслатиб ўтамиз, икки учрашув якунига кўра “матрасчилар” “шаҳарликлар”га 0:1 ҳисобида имкониятни бой берганди.
“Мен ўзимни жуда яхши ҳис қиляпман. Бизда афсусланадиган ҳеч нарса йўқ, чунки биз ўзимизнинг энг яхши вариантимизни кўрсатдик. Футболда воқеалар бошқача бўлиши мумкин, бизга шунчаки омад кулиб боқмади” - деди Симеоне Испания чемпионати доирасида “Эспаньол”га қарши ўйин олдидан ўтказилган матбуот анжуманида.
