Ralf Rangnik APLning 33-turidan o‘rin olgan "Manchester Yunayted" - "Norvich" (3:2) jamoalari o‘rtasidagi uchrashuv haqida fikr bildirdi.

«Ikkita gol urib, vazifamizni osonlashtirishimiz kerak edi, ammo bu amalga oshmadi. Biz o‘yin strukturasini yo‘qotdik, yetarlicha tajovuzkor bo‘lmadik.

Biz aqlli harakat qilishimiz kerak edi, ammo hisob birdaniga 2:2 bo‘lib qoldi, keyin de Xea bizni qutqarib qoldi. Biz, albatta, o‘yin sifatini oshirishimiz kerak.

"Tottenxem"ga qarshi o‘yinda bo‘lgani kabi Ronaldu yana asosiy rolni o‘ynadi. Uning gollari oddiy emas, balki ajoyib ko‘rinish oldi. Lekin biz faqat unga umid qilmasligimiz kerak.

Ba’zida yaxshi o‘ynadik, lekin ba’zida o‘yinni sekinlashtirdik va qanotdan ko‘proq foydalanmadik. Shuningdek, himoyadagi o‘yinimiz umuman xursand qilmaydi.

Boshqa o‘yinlardagi natijalar quvonarli, ammo o‘z o‘yinimizni yaxshilash kerak bo‘lganda ularga qarashdan ma’no yo‘q”, - dedi “Manchester Yunayted” bosh murabbiyi.