«Aston Villa»ning sobiq hujumchisi Gabriel Agbonlaxor «Brayton» ustidan qozonilgan g‘alabadan so‘ng (0:1) «Tottenxem» hujumchisi Xarri Keynni tanqid qildi.
«Brayton»ga qarshi o‘yin oldidan «shporlar» sardori «Masters» golf turniri uchun Amerikaning Augusta shahriga uchib ketgan.
«Siz Keynni bilasiz. Men uning muxlisiman, lekin agar siz o‘yindan oldin «Masters»ga uchsangiz, o‘sha safarni amalga oshirib, qaytib kelsangiz va keyin kechagi kabi spektaklni qo‘ysangiz, sizga nisbatan savollar bo‘lishi aniq.
U to‘g‘ri ish qildimi? Yo‘q. Chunki bugun ular hujumda «tishsiz» edilar. «Shporlar» futbolchilari birorta ham aniq zarba bera olmadi», — dedi Agbonlaxor
Keyn joriy mavsumda «Tottenxem» safida barcha turnirlarda 44 ta o‘yinda maydonga tushib, 22 ta gol va 9 ta golli uzatmani amalga oshirdi.
«Brayton»ga yutqazgan «Tottenxem» 32 o‘yindan so‘ng 57 ochkoga ega bo‘lib, chempionatning to‘rtinchi pog‘onasini band etib turibdi.
