«Астон Вилла»нинг собиқ ҳужумчиси Габриэль Агбонлахор «Брайтон» устидан қозонилган ғалабадан сўнг (0:1) «Тоттенхэм» ҳужумчиси Харри Кейнни танқид қилди.
«Брайтон»га қарши ўйин олдидан «шпорлар» сардори «Мастерс» гольф турнири учун Американинг Аугуста шаҳрига учиб кетган.
«Сиз Кейнни биласиз. Мен унинг мухлисиман, лекин агар сиз ўйиндан олдин «Мастерс»га учсангиз, ўша сафарни амалга ошириб, қайтиб келсангиз ва кейин кечаги каби спектаклни қўйсангиз, сизга нисбатан саволлар бўлиши аниқ.
У тўғри иш қилдими? Йўқ. Чунки бугун улар ҳужумда «тишсиз» эдилар. «Шпорлар» футболчилари бирорта ҳам аниқ зарба бера олмади», — деди Агбонлахор
Кейн жорий мавсумда «Тоттенхэм» сафида барча турнирларда 44 та ўйинда майдонга тушиб, 22 та гол ва 9 та голли узатмани амалга оширди.
«Брайтон»га ютқазган «Тоттенхэм» 32 ўйиндан сўнг 57 очкога эга бўлиб, чемпионатнинг тўртинчи поғонасини банд этиб турибди.
