US Open – 2021 chempioni, britaniyalik 19 yoshli tennischi Emma Radukanu Shtutgartdagi (Germaniya) mashg‘ulotda nima uchun «Tottenxem» futbolkasida fotosessiyada qatnashganini tushuntirdi. Suratga olish paytida Emma 10-raqamli futbolkani kiygan edi.
Radukanu Germaniyada WTA-500 toifasidagi turnirda ishtirok etadi. U birinchi davrada avstraliyalik Storm Sendersga qarshi bahs olib boradi.
«Mening jamoamning barcha a’zolari «Tottenxem»ning ashaddiy muxlislari hisoblanadi. Ular meni «yo‘ldan urmoqda» va meni ham bu bu jamoaga muxlislik qilishimga astoydil harakat qilmoqda. Men futbolni faol kuzatib bormayman, lekin hozir «Tottenxem» tufayli futbolga qiziqib borayapman.
O‘tgan yili Yevropa chempionatini kuzatib, Angliya terma jamoasi sardori Xarri Keynning o‘yinlarini tomosha qilishdan zavqlanganman va men ham Son Xin Minning ashaddiy muxlisiman», - deya Radukanning so‘zlarini keltiradi WTA matbuot xizmati .
