Madridning “Real” klubi bosh murabbiyi Karlo Anchelotti jurnalistlarning La Liga chempionligi poygasi yakunlangani haqidagi gaplariga javob berdi.
"Hali o‘zimni chempiondek his qilmayapman. Ushbu bosqichda bu tuyg‘uga berilish uchun menda juda ko‘p tajriba bor. Biz juda yaqinmiz, biz ajoyib ish qilyapmiz, ammo bu hali tugamadi", dedi Anchelotti matbuot anjumanida.
Agar Karlo Anchelotti "Real Madrid"ni La Ligada g‘alabaga olib chiqa olsa, italiyalik mutaxassis barcha top 5 ligalarda chempionlikni qo‘lga kiritgan tarixdagi birinchi murabbiyga aylanadi.