«Manchester Yunayted» bosh murabbiyi Ralf Rangnik klub darvozaboni David de Xea o‘yini haqidagi gapirdi. Nemis mutaxassisining ta’kidlashicha, u jamoaga kelgan birinchi kundanoq darvozabonning saviyasini sezgan.
«De Xea men jamoaga kelganimning birinchi kunidanoq yetakchiligini namoyish qilgan. Darvozabon pozisiyasi biz uchun hech qachon muammo bo‘lmagan va bo‘lmaydi ham», - dedi Rangnik APL doirasida «Liverpul»ga qarshi o‘yin oldidan o‘tkazilgan matbuot anjumanida.
Italiyalik jurnalist Fabrisio Romanoning qayd etishicha, «Manchester Yunayted» De Xea bilan 2023 yilning yozida tugaydigan shartnomani uzaytirish masalasini yaqin oyda muhokama qiladi.
