La Liganing 33-turidan o‘rin olgan «Atletiko» va «Granada» jamoalari (0:0) o‘rtasidagi uchrashuvdan keyin "matraschilar" bosh murabbiyi Diyego Simeone o‘yin haqidagi fikrlari bilan o‘rtoqlashdi.
"Biz ko‘proq imkoniyatlar yaratishimiz, ularni amalga oshirishda qat’iyatli bo‘lishimiz kerak. «Granada» juda yaxshi himoyalandi, ular o‘yinni yaxshi rejalashtirishdi va biz yo‘l topishga harakat qildik, ammo eplolmadik. Juda qiyin o‘yinlarni o‘tkazdik. "Malyorka", Manchester Siti" va "Espanyol"ga qarshi o‘n kishi qolgan o‘yinimiz juda qiyin bo‘ldi. Futbolchilar charchagan, bu bahona emas, bu haqiqat", - dedi Simeone Diario AS.
