1986 yilgi jahon chempionatining 1/4 finalida Angliya darvozasiga qo‘l bilan kiritilgan mashhur goli muallifi Diyego Maradonaning o‘sha uchrashuvda kiygan futbolkasi kimoshdi savdosida 4 million funt sterlingga sotilishi mumkin. Bu ayni paytda da’vogar xaridor taklif qilgan summa.
Futbolka Sotheby's auksioni tomonidan sotuvga qo‘yilgan. Onlayn savdo 20 aprelda boshlangan va 4 mayda tugaydi.
Goal nashrining yozishicha, Maradonaning libosi tarixdagi eng qimmat futbolka rekordini yangilagan. Avvalgi rekord 157 750 funt sterlingni tashkil qilgan, bu summa Pelening 1970 yilgi jahon chempionati finalida kiygan futbolkasi uchun qo‘yilgan narx edi.
