Didye Drogba «Chelsi»ning murakkab vaziyati haqida fikr bildirdi.
“Klub Ukrainadagi vaziyat tufayli sanksiyalardan aziyat chekayotganini ko‘rish juda achinarli. Menimcha, futbolning bunga aloqasi yo‘q. Klubning to‘liq quvvat bilan ishlashiga yo‘l qo‘ymaslik katta xato.
«Chelsi» kabi klubni sanksiya qilganingizda, Roman Abramovichni janob Vladimir Putin bilan munosabatlari uchun jazolashni xohlashingiz mumkin. Ammo menimcha, siz Angliya va Yevropalik odamlarga, xodimlarga zarar yetkazasiz.
Siz klubni ko‘p yillar davomida kuzatib kelayotgan, unga hayot baxsh etgan muxlislarga nisbatan jazo choralarini qo‘llaysiz. O‘ylaymanki, «Chelsi» so‘nggi 15 yil davomida qurilgan meros tufayli dunyoning eng yirik klublaridan biri bo‘lib qolishda davom etadi.
Oxirgi 15 yil juda muvaffaqiyatli o‘tdi - buni hech kim tortib ololmaydi”, - dedi London klubi sobiq hujumchisi.
