"Barselona" mutasaddilari hujumchi Usmon Dembele bilan muzokaralarni may oyida davom ettiradi, bu haqda Sky Sports xabar berdi.

Manbaga ko‘ra, 24 yoshli fransuz Xavi boshchiligidagi jamoada o‘zini qulay his qilayotgani uchun jamoaning yangi taklifini tinglashga tayyor.

Qayd etilishicha, Dembele faoliyatini davom ettirish bo‘yicha so‘nggi qarorini mavsum yakunida qabul qiladi.

Xavi Laportaga Usmon bilan kelishuvni uzaytirish o‘zi uchun ustuvor vazifa ekanligi ma’lum qilgan. Murabbiy vingerni kataloniyaliklarning yangi yetakchisi deb hisoblaydi.

Joriy mavsum Dembele klub safida barcha turnirlarda 27 ta o‘yinda maydonga tushib, 2 ta gol urdi va 11 ta golli uzatma amalga oshirdi.