"Барселона" мутасаддилари ҳужумчи Усмон Дембеле билан музокараларни май ойида давом эттиради, бу ҳақда Sky Sports хабар берди.

Манбага кўра, 24 ёшли француз Хави бошчилигидаги жамоада ўзини қулай ҳис қилаётгани учун жамоанинг янги таклифини тинглашга тайёр.

Қайд этилишича, Дембеле фаолиятини давом эттириш бўйича сўнгги қарорини мавсум якунида қабул қилади.

Хави Лапортага Усмон билан келишувни узайтириш ўзи учун устувор вазифа эканлиги маълум қилган. Мураббий вингерни каталонияликларнинг янги етакчиси деб ҳисоблайди.

Жорий мавсум Дембеле клуб сафида барча турнирларда 27 та ўйинда майдонга тушиб, 2 та гол урди ва 11 та голли узатма амалга оширди.